Kaizere i gokk

Søndag satte fire Kaizers-fans seg i bilen og køyrde to timar frå Balestrand til Dale i Sunnfjord for å få med seg konserten med sitt favoritband. Dei var nesten like spent på korleis forholda i Fjalerhallen var, som på kor bra konserten ville bli. Og urbane og bedrevitande som dei var, fekk dei nok å snakke om då ein etter ein av bygdekonsert-fordommane vart bekrefta før konserten. Mellom anna vart det servert pølser i brød og kaffi frå blomstrete tv-kanner, ungar sprang og leika i hallen, Kaizers-gutta rusla rundt mellom publikum då oppvarmingsbanda spelte, utan å verte lagt særlig merke til av dei frammøtte, dei ivrigaste som plasserte seg framfor scena talte knapt 100 stykk, mens foreldre og foresatte spreidde seg avventande rundt i den halvtomme salen.

Så kom endelig Kaizers Orchestra på, og alt var som det skulle vere. Kaizerene gav 100% trass i glissent oppmøte, og den vesle gjengen framfor scena sang for full hals på alle songane. Litt stille mellom songane i starten, men konsertopplevinga og jubelen i salen tok seg opp sang for sang heilt til siste ekstranummer, då stemninga var heilt eletrisk! Takk og takk! Fantastisk avslutning på helga, og verdt køyreturen og pengane!